അല്ലേ..
എന്റെ പുലര്ച്ചയിന്നു നിന്റെയുച്ചയായതെന്റെ കുറ്റമോ..?
കാലേ നിന്നെയുണര്ത്തിയ പണ്ടാറപ്പാലുകാരന് സൂര്യന്
എന്റടുത്തിപ്പോഴാണെത്തുന്നതെന്നേ..
പക്ഷപാതി കരിങ്കാലി.. പല പാത്രത്തില് പലയളവൊഴിക്കുന്ന
കൊടും സമയ സ്മഗ്ലര്..
ആകെത്തരുന്നതൊരു പകല് വെട്ടം..!
തണുപ്പത്തു കറവ വറ്റുമെന്നു പുലമ്പി തരുന്നതില് പകുതി വെട്ടും..
നോട്ടം തെറ്റിയാല് കറുകറുത്ത മേഘമിട്ടു കൊഴുപ്പു കൂട്ടും..
നേരായുമുണരാത്തതെന്റെ കുറ്റമല്ല.. നാരും നീരുമിട്ടവന് പാടേയുറക്കിക്കിടത്തുന്നതാ....
പിന്നെ നാട്ടിലാണേല്,
അവിടേം നേരം വയ്കിയുറങ്ങാൻ കൊതിച്ചിട്ടല്ല..
പാവം പൂവനു മുന്പുണര്ന്നാല് പൊട്ടന് പിണങ്ങും!
അല്ലേ..കാലം നട്ടപ്പോള് പൂവനിങ്ങും ഞാനങ്ങുമായതെന്റെ കുറ്റമോ..?
Wednesday, November 30, 2011
ഉറക്കം
മയിൽപ്പീലി നേരത്തേയെഴുന്നേൽക്കാത്ത കശ്മലന്മാർക്കെതിരെ ഉറക്കമെന്ന പോസ്റ്റിൽ ഉറക്കെയുറക്കെ പറഞ്ഞപ്പോൾ ഉറക്കച്ചടവോടെ പറഞ്ഞ മറുപടിയാണ് താഴെ
Subscribe to:
Post Comments (Atom)
No comments:
Post a Comment