ചിത്തിര കുസുമന്റെ എഫ് ബി പോസ്റ്റിൽ ഇട്ട കമന്റ്


ഇരിപ്പു മുറിയിലെയിരുട്ടുമൂലയിൽ, 
പല കാലത്തിലോടുന്ന ഒരു ചിത്രപ്പെട്ടിയിലാവണം 
 ഓർമ്മകളുടെ നിഴലുകൾ ഒട്ടിച്ചു ചേർത്ത 
ഒരു സിനിമയോടുന്നുണ്ട്..ഉച്ചത്തിൽ !
ചെവി കേൾക്കാനിത്തിരിയൊച്ച കുറയ്ക്കാൻ കാറുന്നു 
നോവിൽ പുതഞ്ഞ് പോയ 
ഒരമ്മൂമ്മക്കോലം.

ചിമ്പു മാഷിന്റെ ഫേസ്‌ബുക്ക് പോസ്റ്റിൽ കുറിച്ചിട്ടത് :

"തെറ്റിപ്പോവുന്ന വാക്കുകൾ മാത്രം
തിന്നു ശീലിച്ച ശരികൾ !"

സമിത സുജയുടെ ഫേസ്‌ബുക്ക് പോസ്റ്റിൽ കുറിച്ചിട്ടത് :


"പാട്ട് കേട്ട് കരയാനറിയാത്തവരോട് നിങ്ങൾ പൊറുക്കുക !
കാരണം..
ഉപ്പുരസമുള്ള മധുരം അവർ രുചിക്കുന്നില്ല..
നെഞ്ച് പൊട്ടുന്നൊരുന്മാദം അവരറിയുന്നില്ല..
ഉടലിലുമുയിരിലും പിടഞ്ഞു പടരുന്ന,
അലിവിന്റെ പൂക്കാലം അവർക്ക് കാണാനാവുന്നില്ല..
അവർ ഉണ്മ നിറഞ്ഞ് പൊട്ടിത്തെറിക്കുന്നില്ല.
പാവങ്ങൾ !!!"